Calculadera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una calculadera^[1] ye un dispositivo electronico portatil que se fa servir pa realizar calculos, que van dende l'aritmetica basica dica las matematicas complexas.

A primera calculadera electronica d'estau solido se creyó en primerías d'o decenio de 1960. Os dispositivos de pocha van estar disponibles en o decenio de 1970, especialment dimpués que l'Intel 4004, o primer microprocesador, estase desembolicau per Intel pa la empresa chaponesa de calculaderas Busicom.

As calculaderas electronicas modernas vareyan dende modelos baratos, d'a grandaria d'una tarcheta de credito, dica modelos d'escritorio resistents con imprentadoras integradas.

Amás d'as calculaderas de proposito cheneral, existen aquellas disenyadas pa mercaus especificos. Per eixemplo, i hai calculaderas cientificas que incluyen calculos trigonometricos y estatisticos. Cualques calculaderas mesmo tienen a capacidat de fer alchebra computarizada. As calculaderas graficas se pueden fer servir pa graficar funcions definidas.

Con a gran disponibilidat de smartphones y semellants, as calculaderas d'hardware dedicadas, con tot y con ixo encara se fan servir amplament, son menos comunas d'o que yeran dinantes. En 1986, as calculaderas encara representaban a la raya d'o 41 % d'a capacidat d'hardware de proposito cheneral d'o mundo pa calcular información. Pa 2007, isto i heba disminuyiu a menos d'o 0,05 %.^[2]

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (en) "The World's Technological Capacity to Store, Communicate, and Compute Information", Martin Hilbert and Priscila López (2011), Science, 332(6025), 60–65